Innovathon Bermeo
Maratoi teknologiko bat negozio eredu berriak sortzeko,
atunaren arrantza sektoreak aurre egin beharreko arazoei irtenbidea emateko.
Izena emateko epea: urriaren 18tik azaroaren 1era
17 helburu gure mundua eraldatzeko
Ongietorria ematen dizuegu Innovathon Bermeora,
arrantzaren jasangarritasunari eta berrikuntzari buruzko gure hackathonera!
#innovathonbermeo2021
#InnovathonBermeo berrikuntzarako maratoi bat da,
Bermeo Tuna World Capitalek sortua (BTWC), Nazio Batuen (NBE) laguntzarekin, helburua izanik irtenbide teknologiko sortzaile eta bideragarrien garapena inspiratzea, Garapen Iraunkorreko Helburuak (GIH) betetzen laguntzeko. 14. GIH-aren inguruan, ozeanoak, itsasoak eta itsas baliabideak kontserbatzea eta modu iraunkorrean erabiltzea, Innovathon Bermeok talentua deskubritzea eta potentzial handiko ideia berritzaileak sortzea sustatu nahi du.
Helburua Bermeoko Innovathonetik ateratako ideiak atunaren arrantza-industrian aplikatu ahal izatea da. Horretarako, Innovathon Bermeok ekitaldian zehar taldeei laguntzeko behar diren baliabideak eskaintzen ditu, irabazle suertatzen den irtenbidea praktikan jartzea erraztuz.
Arrantza jasangarriak esan nahi du itsasoan behar beste arrain utzi behar izatea, habitatak errespetatzea eta arrantzatik bizi diren pertsonek etorkizunean bizimodua mantendu ahal izatea bermatzea. Lagunduko diguzu?
Zergatik Bermeo?
Historikoki, Bermeoko arrantza eta kontserbaren industria da herriaren diru sarrera iturri eta enplegu eta negozio bolumenaren sortzaile nagusia.
Gaur egun, ontzidi oso garrantzitsua dauka, bai altueran bai baxueran, eta nazioartean ospe handia duten kontserba fabrika ugari, sektoreari lotutako beste enpresa batzuekin batera, horien artean egonik ontziolak, itsas teknologiako enpresak, etab.
Innovathon Bermeok negozio eredu berriak eraiki nahi ditu, atunaren arrantza sektoreak aurre egin beharreko arazoei irtenbidea emateko, jasangarritasuna sustatuko duten produktu eta zerbitzu berriak sortuz. Gainera, Bermeo herriaren garapen sozio-ekonomikoan lagunduko du.
Zergatik atuna?
Atuna da munduko itsas baliabiderik garrantzitsuena, munduan arrantzatzen denaren %20 baita. Herrialde asko espezie horren menpe daude, elikatzeko, bizimodua ateratzeko, garapen ekonomikorako, enplegurako eta kulturarako. Atuna, gainera, proteina iturri natural eta osasungarria da, giza elikaduran oinarrizkoa, etorkizuneko belaunaldientzat bermatu beharrekoa
Urtero 5,36 milioi tona harrapatzen direlarik, gaur egun Gehieneko Errendimendu Jasangarriaren %86 ari gara arrantzatzen. Hau da: ez daukagu etorkizuneko marjinarik atunaren harrapaketa handitzeko, aldi berean arrain populazioen ustiaketa baldintza jasangarrietan bermatu nahi badugu, ekonomiari, ingurumenari eta gizarteari dagokienez. Biztanleria handituko delako aurreikuspena eta klima aldaketa kontuan hartuta, atuna ez da soilik oinarrizko elikagaia, baizik eta baliabide estrategikoa.
Nola da #InnovathonBermeo?
#InnovathonBermeo2021 hackathon formatuko ekitaldia da eta, bigarren edizio honetan, presentziala izango da, 24 orduko lan-saio bakarrean.
Non?
Bermeoko Kafe Antzokian
Azaroaren 13an, larunbata, 12: 00etan hasiko gara eta, amaitzeko, ideiak eta konponbideak aurkeztuko ditugu, azaroaren 14an, igandea, 12: 00etan.
Talde irabazlearen ebazpena azaroaren 14an bertan izango da, 14: 30ean.
Garapen Iraunkorreko Helburuak
Atunaren arrantzaren industria 360º-ko jasangarritasunera ekarri nahi dugu, Nazio Batuek definitutako Garapen Iraunkorreko Helburuei lotuta, zehazki, 14.Helburuari lotuta.
Talde mistoak
Diziplina askoko talde mistoak antolatuko dira, 3-5 lagunekoak. Lehendik zeuden taldeak gonbidatu nahi ditugu parte hartzera, edo banaka ere eman dezakezu izena, lehendik existitzen den bat osatzeko.
Adituen aholkularitza
Innovathon Bermeo garatzen den bitartean, munduan ezagunak diren sektoreko adituen ezagutzak izango dituzu; horiek, zuk bezala, konpromisoa dute ozeanoetako arrantzaren jasangarritasunaren alde.
Sormena nagusi
Taldeek teknologiari esker aurkitu beharko dute irtenbidea, baina gogoratu ez garela soilik softwareaz hitz egiten ari. Izan kontuan materialen, ekipamenduen, prozesuen edo produktuen garapena.
Negozio eredu berriak
Innovathon Bermeok negozio eredu berri eta jasangarriak sortzea nahi du. Horregatik, saria proiektu irabazlea garatzera zuzenduta dago.
Finala Lisboan
Proiektua garatzeko laguntzaz gain, talde irabazlea CEiiAk sustatutako Innovathon-en munduko finalean parte hartzeko akreditatua izango da. Finala Lisboa 2022an izango da, Nazio Batuen Ozeanoen Munduko Konferentziaren esparruan.
Zer lortu nahi dugu?
Gure helburuak 14. GIH-ari lotutako erronken inguruan ardazten dira, Itsaspeko Bizitza: ozeanoak, itsasoak eta itsas baliabideak mantentzea eta modu jasangarrian erabiltzea.
Horretarako, negozio eredu berriak eraikitzea nahi dugu, teknologian oinarrituta, atunaren arrantzak gaur egun aurre egin beharreko arazoei irtenbidea emateko.
Arrantzaren kudeaketa jasangarria
Atunaren arrantza industria 360º-ko jasangarritasunera ekarri nahi dugu, eta legez kanpoko arrantzaren eta gehiegizko harrapaketen aurka borrokatu.
Zer dakar Innovathon Bermeok?
Innovathon Bermeo aukera bat da startup-ek, ekintzaileek, graduko azken ikasmailako ikasleek, graduatu berriek eta masterrek irtenbide berritzaileak sortu ditzaten, atunaren arrantza industriaren jasangarritasuna hobetzen laguntzeko.
Itsasoaren zale sutsuak bilatzen ditugu, pertsona motibatuak ozeanoen eta planetaren garapen jasangarrian jarduteko eta laguntzeko. Ez duzu zertan arrantzaren industria ezagutu, behar den gauza bakarra da zure esperientzia, grina eta talde lanerako joera eskaintzeko gogoa izatea, elkarlanean aritzeko. Guk jarriko dugu gainerakoa:
Jasangarritasun arazo errealak ebaztea
Profesionalak, atunaren arrantza industriaren ordezkariak eta Nazio Batuetako kideak arduratuko dira erronken testuingurua kokatu eta erronkak azaltzeaz.
Adituen panela
Adituen ezagutzak izango ditugu atunaren industriaren, legez kanpoko arrantzaren, espeziearen kudeaketa iraunkorraren eta kontsumitzailearen ekarpenaren sektorean.
Dokumentazioa eta bibliografia
Bermeoko Innovathonean zehar, dokumentazio eta bibliografia interesgarria jarriko dugu parte-hartzaileen eskura, taldeei beren proiektuak planteatzen eta definitzen laguntzeko.
Networkinga
Komunikazio kanalak izango ditugu ekitaldiko parte hartzaile guztien arteko networkinga sustatzeko.
Super saria
Talde irabazleari 10.000 €-tan baloratutako saria emango zaio Sarien atalean ikus dezakezu informazio gehiago.
Innovathon Bermeo
erronka 2021
Innovathon Bermeoren helburua atunaren bizi-kalitatea, produktibitatea eta jasangarritasunaren hobekuntza bermatzeko irtenbideak aurkitzea da.
Erronka konpontzeak produktu eta zerbitzu berriak sortuko ditu, atunaren arrantza-industria 360º jasangarritasunaren inguruan lerrokatzen lagunduko dutenak. Gainera, Bermeoko herriaren garapen sozioekonomikoari lagunduko dio.
Nola lagundu sektorean legez kanpoko arrantza eta laneko abusuak minimizatzen
EUROPAN SARTZEN DEN ARRAINAREN % 15 LEGEZ KANPOKO JARDUERETATIK DATORRELA KALKULATZEN DA.
Urtero legez kanpo harrapatzen dira mundu osoan 11-26 milioi tona arrain, eta horrek 10.000 eta 23.500 milioi USD arteko galerak eragiten dizkio munduko ekonomiari.
Gainera, harreman estua dago INDNR arrantza-jardueren (legez kanpokoa, aitortu gabea eta arautu gabea) eta giza eskubideen abusuen artean. Askotan, marinelek eta arrantzaleek beste edozein industriatan onartezinak izango liratekeen baldintzetan lan egin behar izaten dute.
Beste sektore batzuetan bezala, beharrezkoa da itsasoan lan egiten duten pertsonek gizarteratzea eta berdintasuna, giza eskubideen errespetua eta lan-baldintza seguru eta txukunak bermatuko dituzten gizarte- eta lan-estandar duinen pean egitea.
Horregatik guztiagatik, balio-katearen azken katebegiak, kontsumitzaileak, jakin behar du zer inplikatzen duen eskuratzen dituen produktuen balio jasangarriak eta propietateek, eta zer mehatxu izan daitekeen itsas baliabideen erabilera iraunkorrerako eta kontserbazio-helburuetarako. Baita zer ondorio negatibo nabarmen eragiten dituen munduko ozeanoetan eta beste ekosistema urtar batzuetan, merkataritzan eta kostaldeko komunitateetan. Horrek eragin zuzena du kontsumitzailearen erosteko erabakian, gero eta arduratsuagoa eta zorrotzagoa baita bere erosketa-portaeretan.
Nola hobe ditzakegu kontrol-, jarraipen- eta trazabilitate-mekanismoak? Nola lagundu itsasoko langile guztiek lan-baldintza duinak eta gehiegikeriarik gabekoak izan ditzaten? Nola eraman sektorearen ahalegin hori azken kontsumitzaileari eta produktuaren balorizazioa hobetu
Ekitaldia
Innovathon Bermeo azaroaren 13an eta 14an izango da Bermeoko Kafe Antzokian, eta ekitaldi honetan berrikuntza, sormen eta teknologiarako gune bihurtuko da.
Lanean buru-belarri 24 orduz arituz, taldeek ideiak sortu eta forma emango diete, planteatutako erronkari erantzuna emanez irtenbide jasangarria ekarriko duen negozio-eredu bihurtzeko.
Azaroaren 8a – Kanalak eta informazioa irekitzea
Parte-hartzaileen, adituen eta dinamizatzaileen online aurkezpena
Kanala irekita geratuko da aurretiazko kontsultetarako
Azaroak 13 – Hasten da Innovathon Bermeo!
10:00: parte-hartzaileei harrera
11:00: masterclass: jasangarritasuna atunaren arrantzan
11:30: ekitaldiaren aurkezpena eta ongietorria
12:00 Hasten da Innovathon Bermeo 2021!
Azaroak 14 – Innovathon-aren amaiera
12:00 proiektuen entrega
12:30-13:30 proiektuaren aurkezpena (publikoari irekia)
13:30 lunch-a: “Delicias de atún” eta epaimahaiaren deliberazioa.
14:30 Iragarki irabazlea Innovathon Bermeo 2021 eta sari banaketa
15:00 #innovathonbermeo2021-aren amaiera.
Epaimahaia 5 adituk osatuko dute, eta proiektu irabazlea aukeratzeaz arduratuko dira. Epaimahaiko kideen artean daude BTWC, Bermeoko Udala, AZTI, ANABAC eta Nazio Batuen ordezkariak.
Adituek beren ezagutza guztia emango dute itsasoaren, arrantzaren eta tunidoen munduan, taldeei laguntza eta aholkularitza teknikoa eta zientifikoa emateko konponbidearen garapenean.
Ez duzu aldez aurreko ezagutzarik behar Innovathon-ean parte hartzeko, soilik itsasoen eta planetaren garapen jasangarrian laguntzeko motibazio handia.
10.000 € baino gehiagoko saria!
#innovathonbermeo2021-ko saria irabazi duen taldeak 10.000 €-tik gorako saria jasoko du. Mentoring bat da, bere negozio-eredua garatzeko. Horretan, Bermeon lokal bat izango du proiektua garatzeko, eta 3.000 €-ko diru-ekarpena egingo du, eskudirutan, sariaren baldintzei lotuta*.
Lisboako nazioarteko finalean ere parte hartuko du, Nazio Batuen babesarekin, 2022ko ekainerako aurreikusita dagoen Ozeanoen Mundu Konferentziaren esparruan.
3.000 €-ko ekarpen ekonomikoa (*Proiektuaren helburuak lortzeari lotuta)
Prestakuntza eta adituekiko harremana
24 orduko esperientzia paregabea bizitzen.
Lisboako finalaren bidaia (garraioa + 2 lagunentzako ostatua [gau bateko egonaldia])
Bermeoko lanerako gune bat, Udalak proiektua garatzeko emana
60 orduren baliokidea den mentoring zerbitzua
Innovathon Challenger
Innovathon Best Friends
Innovathon Supporter
Innovathon Partner
