BTWC, Matosinhos-eko “Summer School”ean

Astebetez, mundu osoko hainbat nazionalitatetako master eta doktoregoko 20 ikaslek gogoeta egin ahal izan dute kostaldeko komunitateen ezaugarriei, ozeanoen zaintzari eta arrantza iraunkorrari buruz. Uztailaren 11n, BTWCk bere programan parte hartzeko zortea izan genuen, Bermeoko Tuna World Capital proiektua eta atun-sektorearen inguruan iraunkortasuna sustatzeko garatzen gabiltzan lana aurkeztuz. Bereziki azpimarratzekoak dira Bermeo Tuna Forumaren antolaketa berria, Atunaren Jasangarritasunaren aldeko Nazioarteko Adierazpenaren proposamena plazaratu baikenuen, eta Atun Hirien Munduko Aliantzaren sorrera, puntu horretan interes berezia erakutsi baitzuten.

Aliantza honetan parte hartzen duten atun-hiriak beren ekonomiarako atun-sektorearen mende dauden hiriak dira, sektorearekiko lotura kultural eta sozial handia dutenak. Matosinhosen oso ondo dakite zertaz ari garen, Portugalgo kostaldeko herri bat baita, herrialdeko deskarga-portu garrantzitsuenetako bat duena. Bere arrantza nagusia sardina da, eta arrantza sektorearen garapenean lan egiten dute, eta sardinari pasio eta maitasun handiz eusten dio, guk atunarekin bezala.

Espero dugu CEiiA eta UNESCOko kideekin eta Matosinhosko Udalarekin egin dugun bilera baliagarria izatea, ozeanoak eta haien baliabideak zaintzearekin lotutako proiektuetan loturak ezartzeko eta elkarlanean jarraitzeko. Eskerrak eman nahi dizkiegu, bai CEiiAri bai UNESCO-IOCeko kideei, gure proiektua nazioartean ezagutarazteko erakutsi duten interes eta aukeragatik. Eskerrik asko, bereziki, Gualter Crisostomo (CEiiA)ri gure egonaldian emandako tratu eta laguntza bikainagatik.